Minnist til bilbeltið!

Flestu

samanstoytirnir

við undir 50 km/t.

Bilbeltið minkar um vandan fyri at verða dripin ella skaddur við 50%, og er tí tann einfaldasta og munabesta trygdarútgerðin. Uttan mun til, hvørja framkomna trygdarútgerð nýggir bilar hava, hevur tað enn, sum áður, stóran týdning at minnast til trygdarbelti.

Minnist til beltið á stuttum ferðum
Flestu samanstoytirnir henda undir ferðing við undir 50 km/t, har sum bilbelti ger størstan munin. Bilbelti kann hava avgerandi týdning fyri, um tú kemur óskalaður frá óhappinum, ella tú gerst álvarsliga skaddur. Minst tí til at spenna bilbelti, eisini um tú bert fert ein stuttan túr.

Ferðafólk uttan bilbelti eru vandamikil
Øll í bilinum skulu sita í bilbelti. Ferðafólk uttan bilbelti eru til vanda fyri hini í bilinum. Um eitt óhapp hendir, verða tey sift runt í bilinum við stórari megi og kunnu skaða bæði seg sjálvi og onnur.

Góð ráð um trygga koyring í bilbelti

    * Sit ikki ov nær róðrinum.
    * Sit so upprættur sum gjørligt.
    * Nakkastuðulin skal stillast, so yvirkanturin er ájavnur ovasta partinum av høvdinum. Høvdi skal vera so nær nakkastuðlinum, sum tilber. Einir tveir centimertrar eiga at vera millum nakkan og nakkastuðulin.
    * Um tú sært í bakkispegilinum, at tú ert um at verða ákoyrdur aftanifrá, trýst so høvdi aftur móti nakkastuðlinum og hygg beint frameftir.
    * Lat ikki leyst viðføri liggja og rekast inni í bilinum (rff)