Endurnýggjan:
Førarabræv verður givið við gildi, til handhavin hevur fylt 70 ár. Hevur umsøkjarin fylt 65 ár, men ikki 70 ár, verður førarabræv tó givið í 5 ár.
Førarabræv til persónar, sum fylt hava 70 ár, verður givið soleiðis:
70-71 ár 4 ár.
71-72 ár 3 ár.
72-80 ár 2 ár.
80 ár og yvir 1 ár.
Umsókn um at endurnýggja koyrikort, tá gildistíðin er úti, skal latast Akstovuni. Umsøkjarin skal í hjáveru av starvsfólki hjá Akstovuni undirskriva í serstakum øki á umsókini, kann viðkomandi ikki koma á Akstovuna, kann verða farið á nærmastu politistøð at útfylla umsókina. Við umsókini skal verða ein passmynd, neyðugt samleikaprógv og ein lækanváttan.
Um viðkomandi endurnýggjar vegna aldur ella heilsustøðu krevur Akstovan einki gjald, men um viðkomandi skal endurnýggja vinnuliga koyrikortið, krevur Akstovan eitt gjald uppá kr: 250.
Eru trý ár ella meira tíð liðin frá tí at gildistíðin at endurnýggja koyrikortið var úti, skal viðkomandi til eina eftiransandi koyriroynd (ástøðis- og verkliga roynd) á Akstovuni, áðrenn koyrirætturin kann verða endurnýggjaður.
Umsøkjarin skal lata fylgjandi skjøl inn til Akstovuna:
- Koyrikort.
- Læknaváttan. (ikki eldri enn 3 mánaðir)
- Passmynd. (hattleys)
- Samleikaprógv.
